ლოცვა, რომელიც ბზობას უნდა წარმოვთქვათ

მართლმადიდებელი სამყარო დღეს ბზობას – მაცხოვრის იერუსალიმში დიდებით შესვლას აღნიშნავს. 

ბზობა თორმეტთაგან რიგით პირველი მოძრავი დღესასწაულია, რომელიც ყოველთვის ემთხვევა ბრწყინვალე აღდგომის წინა კვირა დღეს. მისი შინაარსი დაფუძნებულია სახარებაზე, რომელშიც გადმოცემულია პასექის დღესასწაულზე დასასწრებად იესო ქრისტეს იერუსალიმში შესვლის ამბავი. იესოს მოსახლეობა ზეიმით შეეგება, ზოგი მის სახედარს ფეხქვეშ თავის სამოსს უგებდა, ზოგი პალმის ტოტებს – ბაიას უფენდა, თან „ოსანას“ შესძახოდნენ.

რა კავშირშია აღნიშნულ დღესასწაულთან ბზა  

იმ ქრისტიანულ ქვეყნებში, სადაც პალმა არ არის, ტრადიციის მიხედვით, სადღესასწაულოდ ის მცენარე გამოიყენება, რომელიც გაზაფხულზე იქ ამ დროს ხარობს.

საქართველოში ასეთ მცენარედ ბზა ორი მიზეზით აირჩიეს:

1. მსოფლიოში იშვიათია მცენარე, რომელიც არის ერთდროულად მარადმწვანეც და ფოთლოვანიც, ბზა კი ამ იშვიათ მცენარეთა შორისაა. აქედან გამომდინარე, გაზაფხულზე, როცა აღნიშნული დღესასწაული დგება, საქართველოში ის ერთადერთი ფოთლოვანი მცენარეა, რომელიც იმ დროს მწვანედაა გაფოთლილია.

2. კავკასიური ბზის მერქანი ცნობილია „კავკასიური პალმის“ ან „პალმის ხის“ სახელწოდებით, შესაბამისად, ახლოს დგას აღნიშნულ დღესასწაულთან ასოცირებულ მცენარესთან.

ყველა მორწმუნემ იცის, რომ ამ დღეს შინ ნაკურთხი ბზა უნდა მიიტანოს. თუმცა ეს არ არის საკმარისი. ამ დღეს საგანგებო ლოცვა იკითხება.

ბზობის ტროპარი 

ყოველთა აღდგომასა პირველ ვნებისა შენისასა მოასწავებდი, ამისთვისცა მეგობარი შენი, ლაზარე მკვდრეთით აღადგინე, ქრისტე ღმერთო, რომლისათვის ჩუენცა, ვითარცა შვილნი ებრაელთანი, შევსწირავთ შენდა ძლევისა გალობასა, რომელმან დასთრგუნე სიკუდილი: ოსანა მაღალთა შინა, კურთხეულ არს მომავალი სახელითა უფლისაითა.

კონდაკი

ზეცათა შინა საყდართა, კიცუსა ქუეყანასა ზედა მჯდომარემან, ქრისტე ღმერთო ჩუენო, ანგელოზთა ქებაი დღეს და ყრმათა გალობაი ზოგად შეიწირე, რომელნი გალობდეს: კურთხეულ ხარ, რომელი მოხუედ ცხორებად და განახლებად, მხსნელო ადამისო, ვითარცა კაცთმოყუარე ხარ.

როგორ აღნიშნავდნენ ბზობას საქართველოს სხვადასხვა კუთხეში