ილონ მასკი კათოლიკოს-პატრიარქ ილია II-ის ინიციატივამ დააინტერესა
აშშ-ის მთავრობის ეფექტიანობის დეპარტამენტის ხელმძღვანელმა ილონ მასკმა სოციალურ ქსელ X-ზე გააზიარა ამერიკელი დემოგრაფის, ლაიმან სტოუნის კვლევა, რომელშიც საუბარია იმაზე, თუ როგორ გაზარდა საქართველოში შობადობა კათოლიკოს-პატრიარქ ილია მეორის ინიციატივამ მის მიერ მესამე და მომდევნო შვილების მონათვლის შესახებ.
ლაიმან სტოუნი (Lyman Stone) დემოგრაფი, ეკონომისტი და პოლიტიკის ანალიტიკოსია, რომელიც სპეციალიზდება რეპროდუქციის, მიგრაციისა და დემოგრაფიული ცვლილებების საკითხებში. ის აქტიურად წერს და აქვეყნებს კვლევებს რეპროდუქციის პოლიტიკაზე, განსაკუთრებით იმის შესახებ, თუ როგორ მოქმედებს კულტურული და სახელმწიფო პოლიტიკა შობადობაზე.
ის ამტკიცებს, რომ საზოგადოებაში ელიტებისა და კულტურული ნორმების როლი შობადობის ზრდის კუთხით გადამწყვეტია.
ილონ მასკის მიერ გაზიარებულ პოსტში ნათქვამია:
„შესანიშნავი ახალი კვლევა, რომელიც ლაიმან სტოუნმა გამოაქვეყნა, აჩვენებს, რომ შობადობის წახალისებამ და მრავალშვილიანი ოჯახების სტატუსის ამაღლებამ გამოიწვია შობადობის ზრდა 42%-ით დაქორწინებულ მართლმადიდებელ ქართველ წყვილებში და მესამე და მეტი შვილის გაჩენის მაჩვენებელი 100%-ით გაიზარდა. კულტურულ ლიდერებს შეუძლიათ, აამაღლონ ერების ფერტილურობა!“
A wonderful new paper by @lymanstoneky shows how pronatal encouragement and raising the status of large families led to a 42% increase in the birthrate for married Georgian Orthodox couples and a 100% increase in third+ births!
Cultural leaders can lift the fertility of nations! https://t.co/LhGxGC7djF pic.twitter.com/F2OGG7DPUA
— More Births (@MoreBirths) February 28, 2025
კომენტარები