ჰოროსკოპი: კვირის ასტროლოგიური პროგნოზი ზოდიაქოს ნიშნებისთვის, 24 თებერვალი – 2 მარტი
ამ კვირის პირველ ნახევარში გექნებათ უნიკალური შანსი, გაზარდოთ თქვენი ავტორიტეტი და სანდო ადამიანის რეპუტაცია მოიპოვოთ. ეს პერიოდი იდეალურია თვითდისციპლინაზე მუშაობისა და მტკიცე ხასიათის განვითარებისთვის. ახლა ის დროა, როდესაც განსაკუთრებით მნიშვნელოვანია თქვენი ლიდერობის უნარის გონივრულად და პასუხისმგებლობით გამოყენება.
კვირის მეორე ნახევარში მოსალოდნელია ოპტიმიზმის მოზღვავება და თვითგაუმჯობესების სურვილი. ხელსაყრელი პერიოდია შემოქმედებითი შესაძლებლობების განვითარებისა და შემოქმედებითი პროექტების განსახორციელებლად. გაგახარებთ არა მხოლოდ წინსვლის პროცესი, არამედ ირგვლივ მყოფების მიერ თქვენი მიღწევების აღიარებაც.
ზოგადად, ეს კვირა განსაკუთრებით ხელსაყრელია შემოქმედებითი პროფესიის წარმომადგენლებისთვის – მწერლები, მუსიკოსები, კომპოზიტორები და მხატვრები მნიშვნელოვან წარმატებებს უნდა ელოდონ. წარმოსახვითი აზროვნებისა და ფანტაზიის გაძლიერება შესანიშნავ პირობებს შექმნის ხელოვნების ორიგინალური ნიმუშების შესაქმნელად.
ეს კვირა გპირდებათ, რომ სავსე იქნება აქტივობებითა და მოულოდნელი შესაძლებლობებით. პროფესიულ სფეროში მოსალოდნელია ინიციატივების მოზღვავება: არ გამოტოვოთ შანსი, რათა თქვენი ლიდერული თვისებები წარმოაჩინოთ მაშინაც კი, თუ გარემოებები არასტანდარტულ გადაწყვეტილებებს მოითხოვს. სასიყვარულო ურთიერთობაში ცოტა მეტი მოთმინება და ყურადღება გამოიჩინეთ, ნება მიეცით იმპულსებს, ადგილი დაუთმონ გონივრულ ქმედებებს. თქვენი შინაგანი ცეცხლი დაგეხმარებათ, ნებისმიერი დაბრკოლება დაძლიოთ, თუ შეძლებთ ბალანსის შენარჩუნებას სურვილებსა და წინდახედულობას შორის.
მნიშვნელოვანი იქნება, არ დაივიწყოთ თქვენი ჯანმრთელობა – რეგულარული ფიზიკური აქტივობა დაგეხმარებათ იმაში, რომ გაზრდილ ნერვიულ სტრესს გაუმკლავდეთ.
სასიკეთო დღეები: 26, 1.
არასასიკეთო დღე: 24.
ეს კვირა უმჯობესია ღრმა ანალიზსა და სტრატეგიულ დაგეგმვას დაუთმოთ, განსაკუთრებით ფინანსურ საკითხებში. დეტალებისადმი ყურადღება დაგეხმარებათ, თავიდან აიცილოთ მოულოდნელი შეცდომები. ორშაბათი შესაძლოა კვირის ერთ-ერთი ყველაზე იღბლიანი დღე აღმოჩნდეს. ჰარმონია სუფევს პარტნიორებთან როგორც პირად, ისე საქმიან ურთიერთობებში, მაგრამ შეეცადეთ, მხედველობიდან არ გამოგრჩეთ მნიშვნელოვანი ნიუანსი, რათა გაუგებრობებში არ გაიხლართოთ. სასიყვარულო ურთიერთობებში უპირატესობა მიანიჭეთ გულწრფელ კომუნიკაციას, რათა იპოვოთ ჰარმონია რთულ სიტუაციებშიც კი.
კვირის მეორე ნახევარში ვარსკვლავები აქტიურ პირად ცხოვრებას გპირდებიან. ჯანმრთელობის მხრივ ყურადღება უნდა მიაქციოთ კვებას – არ გადატვირთოთ ორგანიზმი მძიმე და არაჯანსაღი საკვებით.
სასიკეთო დღეები: 25, 1.
არასასიკეთო დღე: 28.
ეს კვირა ბევრ შესაძლებლობას მოგიტანთ პიროვნული ზრდისა და თქვენი ჰორიზონტის გაფართოებისთვის. სამსახურში გაჩნდება შემოქმედებითი ექსპერიმენტების შესაძლებლობა, რასაც შეიძლება მნიშვნელოვანი აღმოჩენები მოჰყვეს, ინტელექტუალური აქტივობა კი ყურადღების ცენტრში იქნება. შესაძლოა კოლეგებთან ურთიერთობისას გაუგებრობები წარმოიშვას. მნიშვნელოვანია სიმშვიდის შენარჩუნება და კონფლიქტების თავიდან აცილება. საყვარელ ადამიანებთან ურთიერთობაში კომპრომისების პოვნა მოგიწევთ.
ჯანმრთელობის მხრივ, ყურადღება უნდა მიაქციოთ თქვენს ფსიქოლოგიურ მდგომარეობას, შესაძლოა რელაქსაცია ან მედიტაცია დაგეხმაროთ. კვირის ბოლოს ელოდეთ რომანტიკულ პაემანს ან მხიარულ წვეულებას მეგობრებთან ერთად.
სასიკეთო დღეები: 24, 28.
არასასიკეთო დღე: 27.
ამ კვირის დასაწყისში მოგიწევთ მნიშვნელოვანი არჩევანის გაკეთება, რომელიც თქვენს კარიერულ ზრდას ან ფინანსებს შეეხება. შეეცადეთ, საკუთარ თავზე არ აიღოთ ძალიან ბევრი ვალდებულება. ფინანსური საკითხები განსაკუთრებულ სიფრთხილეს მოითხოვს – გადაწყვეტილებები საფუძვლიანი ანალიზის შემდეგ მიიღეთ. ემოციური სიღრმე და ინტუიციური მგრძნობელობა რთულ სიტუაციებში თავდაჯერებულად ორიენტირებაში დაგეხმარებათ. საუკეთესო პერიოდია, რათა მეტი დრო დაუთმოთ საკუთარ თავს და თქვენს გატაცებებს.
ჯანმრთელობა მოითხოვს ყურადღებას თქვენს ემოციურ მდგომარეობაზე – ზედმეტ შფოთვას მოერიდეთ, ეცადეთ, არ მოისმინოთ ნეგატიური ინფორმაციები და პოზიტივზე კონცენტრირდით.
სასიკეთო დღეები: 26, 28.
არასასიკეთო დღე: 27.
ეს კვირა პროდუქტიული იქნება როგორც პროფესიული, ისე პირადი მიღწევების კუთხით. თქვენი ბუნებრივი ხიბლი და ქარიზმა ახალი ნაცნობებისა და პარტნიორების ყურადღებას მიიპყრობს. მოსალოდნელია მიიღოთ ახალი შემოთავაზება კარიერულ ასპარეზზე. ნუ შეგეშინდეთ ექსპერიმენტებისა. ბიზნესის საკითხებში მოერიდეთ ნაჩქარევ გადაწყვეტილებებს გრძელვადიანი სტაბილურობის შესანარჩუნებლად. ირგვლივ მყოფებს შესაძლოა თქვენი ყურადღება და დახმარება დასჭირდეთ. პირად ცხოვრებაში შეძლებთ კავშირების გაღრმავებას და ნაბიჯის გადადგმას უფრო სერიოზული ურთიერთობისკენ.
ჯანმრთელობის მხრივ ყურადღება მიაქციეთ სასუნთქ სისტემას. შაბათ-კვირას შეეცადეთ, მშვიდ გარემოში დაისვენოთ.
სასიკეთო დღეები: 25, 2.
არასასიკეთო დღე: 24
ეს კვირა ეფექტიანი და საკმაოდ საინტერესო იქნება კარიერული თვალსაზრისით. პრობლემების გადაჭრის გზაზე მოსალოდნელია სიტუაციები, რომლებიც მოითხოვს, იყოთ მოქნილი და ყურადღებიანი დეტალების მიმართ. პირადი ურთიერთობებისთვის მნიშვნელოვანი იქნება, დააბალანსოთ სამსახურში და ოჯახთან ან საყვარელ ადამიანთან ერთად გატარებული დრო. ემოციების დასაძლევად გამძლეობა დაგჭირდებათ. გადაჭარბებული, ხისტი რეაქციის გამო დიდია შეცდომების დაშვების რისკი, რასაც შესაძლოა ურთიერთობების გაწყვეტა მოჰყვეს.
შაბათ-კვირას სასურველია დრო დიდი ხნის უნახავ მეგობრებთან ერთად გაატაროთ. ჯანმრთელობის მხრივ საუკეთესოა რეგულარული სეირნობა სუფთა ჰაერზე.
სასიკეთო დღეები: 28, 1.
არასასიკეთო დღე: 26.
ამ კვირაში შეძლებთ, მარტივად იპოვოთ კომპრომისები საკამათო სიტუაციებშიც კი. დიპლომატიური მიდგომა სასარგებლო იქნება როგორც საქმიან მოლაპარაკებებში, ისე პირად ურთიერთობებში. იყავით ფხიზლად ფინანსურ საკითხებში – რესურსების გონივრული განაწილება დაგეხმარებათ, თავიდან აიცილოთ ზედმეტი რისკები. პირად ურთიერთობებში შესაძლებელია მნიშვნელოვანი მოვლენები, მაგრამ შეიძლება წარმოიშვას სირთულეები კომუნიკაციაში. შეეცადეთ, უფრო ღიად ისაუბროთ თქვენს გრძნობებსა და გამოცდილებაზე.
ჯანმრთელობის მხრივ, სხეულის საერთო მდგომარეობის გასაუმჯობესებლად საუკეთესოა ფიზიკური ვარჯიში.
სასიკეთო დღეები: 25, 27.
არასასიკეთო დღე: 24.
შესაძლოა ამ კვირაში ფინანსური გამოწვევების წინაშე აღმოჩნდეთ, მაგრამ მაინც შეძლებთ ჭკვიანური გადაწყვეტილებების მიღებას, რაც წონასწორობის შენარჩუნების საშუალებას მოგცემთ. პროფესიულ ასპარეზზე მოსალოდნელია ცვლილებები, რომლებიც მოქნილობას და ადაპტირებას მოითხოვს. შესაძლებელია მოგზაურობა და მივლინებები. შეიძლება შემოგთავაზონ შემოსავლიანი სამუშაო სხვა ქალაქში, რაზეც სერიოზული დაფიქრება მოგიწევთ, თუმცა გონივრული იქნება, რომ უარი არ თქვათ. მოსალოდნელია დაძაბულობის მომენტები საყვარელ ადამიანებთან ურთიერთობაში, მაგრამ თუ ტოლერანტობას გამოიჩენთ, ყველაფერი სწრაფად გამოსწორდება.
ჯანმრთელობის მხრივ მნიშვნელოვანია ზედმეტი სტრესის თავიდან აცილება და კარგად დასვენება.
სასიკეთო დღეები: 26, 27.
არასასიკეთო დღე: 24.
ოპტიმიზმი და სიახლის სურვილი მთელი კვირის განმავლობაში გაგყვებათ. სიმართლისა და თავგადასავლების ძიებამ შეიძლება მოულოდნელ აღმოჩენებამდე მიგიყვანოთ და თქვენი ჩვეული ცხოვრების წესი შეცვალოს. პროფესიულ ასპარეზზე წინსვლის შანსია, მით უმეტეს, თუ ლიდერის თვისებებს გამოავლენთ. ისარგებლეთ ამ საუკეთესო პერიოდით თქვენი იდეების განსახორციელებლად, ფინანსურ საკითხებში კი გადახედეთ საკუთარ პრიორიტეტებს. სასიყვარულო ურთიერთობებში არ არის გამორიცხული უსიამოვნო მომენტები და ეჭვები.
ჯანმრთელობის მხრივ ნუ დაივიწყებთ რეგულარულ შესვენებებსა და დასვენებას, განსაკუთრებით, თუ ბევრი საქმე გაქვთ გასაკეთებელი. კვირის ბოლოს სასურველია გარკვეული დრო დაუთმოთ სახლის მოწესრიგებას, თავიდან მოიშოროთ ზედმეტი ნაგავი და ძველი ნივთები და გაათავისუფლოთ სივრცე ახალი დადებითი ენერგიებისთვის.
სასიკეთო დღეები: 28, 2.
არასასიკეთო დღე: 27.
რაციონალური გათვლა და დისციპლინა ამ კვირაში ნებისმიერი გამოწვევის დამაჯერებლად გადალახვაში დაგეხმარებათ. პროფესიულ ფრონტზე მნიშვნელოვანია მოქმედება წინასწარ გააზრებული გეგმის მიხედვით, რაც მნიშვნელოვან პროექტებში შეცდომების თავიდან აცილებაში დაგეხმარებათ. პირად ურთიერთობებში გულწრფელი საუბრები ხელს შეუწყობს მტკიცე კავშირის დამყარებას. შესაძლებელია მოულოდნელი, მაგრამ სასიამოვნო მოგზაურობა ან იმ ადამიანის ვიზიტი, რომელიც დიდი ხანია არ გინახავთ.
თუ შაბათ-კვირას მეგობრების წრეში გაატარებთ, ფრიად ღირებულ ინფორმაციას მიიღებთ.
სასიკეთო დღეები: 24, 1.
არასასიკეთო დღე: 26.
ინოვაციური იდეებითა და ახალი კონცეფციებით სავსე კვირა გელით. ნაცნობი სიტუაციების არატრადიციული ხედვა საშუალებას მოგცემთ, იპოვოთ ახალი გადაწყვეტილებები როგორც სამსახურში, ისე პირად საკითხებში. პროფესიულ სფეროში მოსალოდნელია რამდენიმე არასტანდარტული სიტუაცია, რომელიც თქვენგან კრეატიულ გადაწყვეტილებებს მოითხოვს. პირად საკითხებში შეეცადეთ, უფრო მეტად ენდოთ საყვარელ ადამიანებს. ემოციური ბალანსი დაგეხმარებათ, შეინარჩუნოთ აზრების სიცხადე და თავდაჯერებულობა თქვენს ქმედებებში.
ჯანმრთელობის თვალსაზრისით მნიშვნელოვანია თქვენი ფსიქოემოციური მდგომარეობის მონიტორინგი – სასარგებლო იქნება პრაქტიკა, რომელიც რელაქსაციასა და ძილის გაუმჯობესებაზეა ორიენტირებული.
სასიკეთო დღეები: 27, 28.
არასასიკეთო დღე: 25.
ამ კვირაში თევზებმა თავიანთ ინტუიციას უნდა მოუსმინონ – ის მიგანიშნებთ სწორ მიმართულებაზე სამუშაოსა და პირად ცხოვრებაში. შესაძლებელია მოულოდნელი შემოთავაზებები, რომლებიც ახალ პერსპექტივებს გაგიხსნით, მაგრამ გადაწყვეტილებების მიღებისას ნუ აჩქარდებით, კარგად აწონ-დაწონეთ დადებითი და უარყოფითი მხარეები. შუა კვირაში შეიძლება გაგიჩნდეთ სურვილი, მარტო დარჩეთ, რათა თქვენს თავში აზრები მოაწესრიგოთ – მიეცით საკუთარ თავს ეს დრო. ფინანსური საკითხები სიფრთხილეს მოითხოვს: მოერიდეთ იმპულსურობას. პირად ურთიერთობებში შესაძლებელია ცვლილებები, რაც თქვენგან სიმშვიდესა და მოქნილობას მოითხოვს.
შაბათ-კვირა ჯობს საოჯახო საქმეებს დაუთმოთ და დაგროვილი საყოფაცხოვრებო პრობლემები მოაგვაროთ.
სასიკეთო დღეები: 26, 2.
არასასიკეთო დღე: 28.
თამთა გურული
კომენტარები