როგორ შევარჩიოთ საერთო სამუშაო სივრცე თბილისში

ალბათ, შეამჩნევდით, რომ ბოლო პერიოდში თბილისში არაერთი საერთო სამუშაო სივრცე გაიხსნა, რომელიც დასაქმებულებს კომფორტულ, კეთილმოწყობილ გარემოს სთავაზობს. ამ შესაძლებლობას ჩვენი მოქალაქეები აქტიურად იყენებენ. დღითიდღე იზრდება იმ ადამიანების რიცხვი, რომლებიც საერთო სამუშაო სივრცეს უერთდებიან. ეს გასაკვირი სრულებით არაა, თუ დისტანციურად მუშაობის აქტუალობასა და თვითდასაქმებულების რაოდენობის მატებას გავითვალისწინებთ. თუ თქვენც განიხილავთ საერთო სამუშაო სივრცეში ადგილის ქირაობას, თუმცა ჯერ არ იცით, რომელი მათგანი აარჩიოთ, ჩვენი რეკომენდაციები აუცილებლად დაგეხმარებათ. დღეს გასწავლით, როგორ შევარჩიოთ საერთო სამუშაო სივრცე თბილისში. 

ადვილად მისადგომი ლოკაცია

პირველი, რაც საერთო სამუშაო სივრცის არჩევისას უნდა გაითვალისწინოთ, მისი ლოკაციაა. საუკეთესო შემთხვევაში, მას თქვენი საცხოვრებლის მახლობლად იპოვით. თუ ადგილი ტრანსპორტით სწრაფად და მარტივად მისადგომია, ეს შემთხვევაც არ გამორიცხოთ. მთავარია, გზაში არ დაიღალოთ და მთელი ენერგია სამსახურში მისვლამდე არ დახარჯოთ. ქალაქში არსებული მდგომარეობის გათვალისწინებით, მდებარეობას განსაკუთრებით დიდი მნიშვნელობა აქვს. ყოველდღიურად საცობში დგომა თქვენს სამუშაო დღეს ბევრად უსიამოვნოს გახდის. განწყობა კი საქმეზეც აისახება. ამიტომ არის მნიშვნელოვანი ადვილად მისადგომი ლოკაციის არჩევა. 

სერვისები, რომლებსაც საერთო სამუშაო სივრცე გვთავაზობს

სხვადასხვა საერთო სამუშაო სივრცე დასაქმებულებს განსხვავებულ პირობებს სთავაზობს. წინასწარ გაეცანით მათ შემოთავაზებებს. ამის მიხედვით, ადვილად იპოვით თქვენზე მორგებულ სივრცეს, სადაც თავს კომფორტულად და პროდუქტიულად იგრძნობთ. როგორი გარემო დაგხვდებათ; რა ტიპის ტექნიკით არის სივრცე აღჭურვილი; არის თუ არა ერგონომიული ავეჯი; როგორი განათებაა; რამდენად არის დაცული ხმის იზოლაცია; როგორია მოსასვენებელი სივრცე – ამ კითხვებზე პასუხები არჩევანის გაკეთებაში დაგეხმარებათ. საერთო სამუშაო სივრცის მთავარი უპირატესობა სწორედ ექსკლუზიურ სერვისებში მდგომარეობს, რაც მას საოფისე გარემოსგან განასხვავებს. ამიტომ, ეს ფაქტორი სათანადო ყურადღებას იმსახურებს. 

საწევრო ტარიფები

საერთო სამუშაო სივრცის შერჩევისას კიდევ ერთი გასათვალისწინებელი დეტალი საწევრო ტარიფებია. ეს ბევრ რამეზე შეიძლება იყოს დამოკიდებული. საერთო სამუშაო სივრცეების უმეტესობა დასაქმებულებს ერთდღიან ან ერთთვიან პაკეტებს სთავაზობს. ფასი დამოკიდებულია ადგილის ტიპზეც. თუკი განცალკევებით გსურთ სივრცის გამოყოფა, ეს გაცილებით ძვირი დაგიჯდებათ. შეადარეთ საწევრო ტარიფები და აარჩიეთ თქვენთვის ყველაზე სასურველი. მას შემდეგ, რაც დარწმუნდებით, რომ ბიუჯეტში ეტევით, თამამად შეგიძლიათ იქირაოთ თქვენ მიერ შერჩეული საერთო სამუშაო სივრცე. 

სამუშაო გარემო

კიდევ ერთი მნიშვნელოვანი ფაქტორი სამუშაო გარემოა, რომელსაც საერთო სამუშაო სივრცეში დასაქმებულები ქმნიან. ეს ადგილი თქვენთვის ახალი კავშირების გაჩენის შესაძლებლობაა, ამიტომ, დიდი მნიშვნელობა აქვს, ვისთან გაიზიარებთ. დინამიკური, ცოცხალი გარემო მოტივაციის წყარო იქნება და კარიერულ წინსვლაში დაგეხმარებათ. გარშემო მყოფებისგან ბევრი ახალი რამ შეიძლება ისწავლოთ. ხშირია, როცა საერთო სამუშაო სივრცეში დასაქმებულები ერთად ახალ იდეებს ავითარებენ. ამგვარი კოლაბორაცია ყველასთვის საინტერესო და პროდუქტიულია. ამიტომ, გადაწყვეტილების მიღებისას ნურც ეს მნიშვნელოვანი დეტალი გამოგრჩებათ. 

სახელი და რეპუტაცია

სანამ საბოლოო გადაწყვეტილებას მიიღებთ, გირჩევთ, გადახედოთ, როგორ შეფასებებს იმსახურებს თქვენ მიერ შერჩეული საერთო სამუშაო სივრცე. ვინ უწევს მას რეკომენდაციას? არიან თუ არა უკმაყოფილო ადამიანები, ვინც უკვე გამოცადა ეს ადგილი? იმ შემთხვევაში, თუ ასეთი შემთხვევები მოიძებნება, გაარკვიეთ, კონკრეტულად რამ გამოიწვია მათი უკმაყოფილება. დაფიქრდით, რამდენად პრიორიტეტულია ეს კრიტერიუმი თქვენთვის. სხვების შეფასებები კარგი ინდიკატორია იმისა, თუ რა სახელით სარგებლობს დაწესებულება. ეს დაგეხმარებათ გადაწყვიტოთ, რამდენად კარგი არჩევანია ამ სივრცის ნაწილად გახდომა. 

შეჯამება

თბილისში სულ უფრო მეტი ახალი საერთო სამუშაო სივრცე იხსნება. პარალელურად იზრდება იმ ადამიანების რიცხვი, რომლებიც საერთო სამუშაო სივრცეს უერთდებიან. მრავალფეროვანი შესაძლებლობების გამო ხშირად ჭირს ამ სივრცეებს შორის არჩევანის გაკეთება, თუმცა, თუ თქვენს პრიორიტეტებს გადააფასებთ და კარგად დაფიქრდებით, რას მოელით სამუშაო სივრცისგან, აუცილებლად იპოვით თქვენზე მორგებულ გარემოს. იმედი გვაქვს, ჩვენი რეკომენდაციები არჩევანის გაკეთებაში დაგეხმარებათ.