საქართველოს პოტენციალი განახლებადი ენერგიის ათვისებაში

თანამედროვე მსოფლიო მრავალი გამოწვევის წინაშე დგას. მათ შორისაა ენერგიაზე მუდმივად მზარდი მოთხოვნილება და ამასთან ერთად წიაღისეული საწვავის მარაგის შემცირება და სათბურის გაზების ემისიით გამოწვეული კლიმატის ცვლილებები.

ამ  პირობებში განახლებადი ენერგიის ათვისება სულ უფრო აქტუალური ხდება და ქვეყნები მთელი მსოფლიოს მასშტაბით ცდილობენ ამ მიმართულებით მნიშვნელოვანი ნაბიჯების გადადგმას. მზის, ქარის და ჰიდროენერგიის გამოყენება არამხოლოდ ეკოლოგიურად სუფთა გადაწყვეტილებაა, არამედ ხელს უწყობს ენერგოდამოუკიდებლობას, ხარჯების შემცირებას და კლიმატის ცვლილების წინააღმდეგ ბრძოლას.

მსოფლიო ტენდენციებს თუ გადავხედავთ, ნათელი ხდება, რომ მრავალი ქვეყანა აქტიურად გადადის განახლებადი ენერგიის წყაროებზე, რათა შეამცირონ ნახშირბადის გამონაბოლქვი და ენერგეტიკული რისკები. ევროპაში, აშშ-ში და აზიის ბევრ ქვეყანაში მზის ენერგიის განვითარების ტემპი აჩქარებულია, რის შედეგადაც ქვეყნები ქმნიან უფრო მწვანე და მდგრად მომავალს.

საქართველოშიც უკვე შეინიშნება ამ კუთხით პროგრესი. სახელმწიფოს მიერ განხორციელებული ინიციატივები და კანონმდებლობა მხარს უჭერს განახლებადი ენერგიის პროექტების განვითარებას და მათი კომერციული სარგებლიანობის უზრუნველყოფას. მზის ენერგიის პოტენციალი საქართველოში განსაკუთრებით მაღალია, რაც ხელს შეუწყობს ქვეყნის ენერგოდამოუკიდებლობისა და ეკონომიკის ზრდას.

Step Energy აქტიურადაა ჩართული განახლებადი ენერგიის პროექტებში, რომლებიც მიზნად ისახავს ეკოლოგიურად სუფთა ენერგიის გამოყენების განვითარებას. ჩვენი კომპანია ბაზარს სთავაზობს მზის ელექტროსადგურების პროექტირებასა და მშენებლობას, ენერგოეფექტურ გადაწყვეტილებებს და ელექტრო პარკინგის სისტემების შექმნას. ჩვენი მიზანია, დავეხმაროთ საქართველოს და რეგიონის ქვეყნებს ენერგეტიკულ გარდაქმნაში და შევქმნათ მდგრადი და დამოუკიდებელი ენერგეტიკული მომავალი.