იტალია: ხალხი ტაშს უკრავს, როცა რომში უბიწოდ ჩასახვის დღესასწაულს აღნიშნავენ (ვიდეო)

„პარასკევს, 8 დეკემბერს რომაელმა მეხანძრეებმა გვირგვინით შეამკეს უბიწო ჩასახვის მონუმენტი, რომელიც რომში, მინიანელის მოედანზეა (Piazza Mignanelli) აღმართული. ამით გაგრძელდა იტალიის დედაქალაქის მეხანძრეების საყვარელი ტრადიცია, რომელიც 1949 წლიდან იღებს სათავეს“, – აღნიშნულ ინფორმაციას იტალიის ეროვნული სახანძრო ბრიგადა – Vigili del Fuoco ავრცელებს.

ეს იყო ამ რელიგიური დღის მნიშვნელობის ხაზგასმა და მისდამი პატივისცემის აქტი.

მონუმენტი გვირგვინით შეამკო რომის სახანძრო სამსახურის ყველაზე მაღალი თანამდებობის პირმა ვინჩენცო მორგიამ, რომელმაც სახანძრო კიბით 100-ზე მეტი საფეხური აიარა და 27 მეტრის სიმაღლეზე ავიდა, რათა ქანდაკების მკლავებთან ყვავილების „ხარკი“ მიეტანა.

[მოედანს 16:00 საათზე რომის პაპიც ეწვია, მიუხედავად იმისა, რომ ცოტა ხნის წინ მას ბრონქიტის შეტევა ჰქონდა და ჯერაც დასვენება, ანტიბიოტიკებით მკურნალობა და მოძლიერება სჭირდება. – nostal.ge].

8 დეკემბერს კათოლიკური ეკლესია უბიწო ჩასახვის დღესასწაულს აღნიშნავს. ის ეფუძნება რწმენას, რომლის მიხედვით, მარიამს იესო ქრისტე ადამიანური ცოდვის გარეშე, უბიწოდ ჩაესახა.