ისრაელში მოკლულთა შორის სოხუმელი ებრაელი გოგოა – „მუდამ მოღიმარი და ქარიზმატული იყო…“

ებ­რა­ულ მე­დი­ა­ში გავ­რცე­ლე­ბუ­ლი ინ­ფორ­მა­ცით, „ჰა­მა­სის“ თავ­დას­ხმას 25 წლის ქარ­თველი ებ­რა­ელი რა­ხე­ლ დოვი შეეწირა. იგი იმ მუსიკალურ ფესტივალზე იმყოფებოდა, რომელიც ღაზის სექტორის საზღვართან ახლოს მიმდინარეობდა და რომელიც ტერორისტების მთავარი სამიზნე გახდა.

რახელი დედისერთა იყო. მამამისს, იო­სეფ (სოსო) დოვის, 10 წლის წინათ შემ­თხვე­ვი­თ გას­რო­ლილი ტყვია მოხვდა და გარდაიცვალა.

ისრაელში მცხოვრები ქართველი ებრაისტი, როშტილდების ფონდის მკვლევარი ლაშა შაყულაშვილი სოციალურ ქსელში წერს, რომ ჰამასმა სოხუმელი ქართველი ებრაელი გოგონა მოკლა.

„დღეს, 11 ოქ­ტომ­ბერს, ჩრდი­ლო­ეთ ის­რა­ელ­ში დაკ­რძა­ლა­ვენ 25 წლის რა­ხელს, სო­ხუ­მელ ქარ­თველ ებ­რა­ელ გო­გო­ნას, რო­მე­ლიც ტე­რო­რის­ტებ­მა მხე­ცუ­რად მოკ­ლეს და მისი ფოტო ფე­ის­ბუქ­ზე ატ­ვირ­თეს…“ – წერს ლაშა.

შეგახსენებთ, რომ, ჰამასის თავდასხმის შემდეგ ისრაელში, „ნოვას“ მუსიკალური ფესტივალის ადგილზე 260-ზე მეტი ახალგაზრდის ცხედარი იპოვეს. ტერორისტებმა ფესტივალის მონაწილეთა ნაწილი მძევლად აიყვანეს და მათი შემდგომი ბედი უცნობია.

ცნობილი გახდა, რომ 30 წლის გერმანელი ტურისტი ახალგაზრდა ქალი, შანი ლუკი, რომელიც უგონო მდგომარეობაში გაიტაცეს ჰამასის ბოევიკებმა, ცოცხალია და კრიტიკულ მდგომარეობაში ღაზის სექტორის მხარეს საავადმყოფოში იმყოფება.