მიცოტაკისი ციპრასს „იწვევს“ – ვინც წააგებს, საკუთარი პარტიის ლიდერის პოსტს დატოვებს?

საბერძნეთის საპარლამენტო არჩევნებამდე ერთ კვირაზე ცოტა მეტი რჩება – 21 მაისს ბერძნები ახალი მოწვევის პარლამენტს აირჩევენ. 

ხუთშაბათს, 11 მაისს, შუადღისას საბერძნეთის მთავრობის მოქმედმა მეთაურმა, „ნეა დიმოკრატიას“ ლოდერმა, პრემიერ-მინისტრმა კირიაკოს მიცოტაკისმა მის წინამორბედს, ყოფილ პრემიერს და „სირიზას“ ლიდერს, ალექსის ციპრასს „ხელთათმანი ესროლა“ – მას პირობა შესთავაზა, ვინც არჩევნებს წააგებს, თავისი პარტიის ხელმძღვანელის პოსტი დატოვოს.

ტრიკაიონის მერთან დისკუსიის დროს ციცანისის მუზეუმში მიცოტაკისმა წარმოადგინა დანართი, რომელიც აჩვენებს, სად არის თავისუფალი საკალათბურთო და საფეხბურთო მოედნები, რომ ბავშვებმა შეძლონ დაჯავშნა სათამაშოდ და ლოდინმა არ მოუწიოთ. მან თქვა: „როდესაც კალათბურთს ვთამაშობდით ამერიკაში, ასეთი წესი გვქონდა: მოიგე – რჩები, წააგე – მიდიხარ და სხვა მოდის სათამაშოდ“.

სპეციალისტებმა მიიჩნიეს, რომ ამ ფრაზით მიცოტაკისმა ალექსის ციპრასს მიანიშნა, რომ თუ წელსაც წააგებს არჩევნებს, „სირიზას“ ლიდერის პოსტი დატოვოს. მისი ეს განცხადება გაისმა რამდენიმე დღის შემდეგ, რაც  SYRIZA-ს თავმჯდომარემ თქვა, რომ მიცოტაკისმა უნდა „ნეა დიმოკრატიას“ ხელმძღვანელის პოსტი უნდა დატოვოს.

„ჩვენ ვხედავთ ყალბ დუმილს, მის ქვეშ კი – ნგრევას. სხვა სიტყვებით რომ ვთქვათ, თუ ბატონი მიცოტაკისი ამ არჩევნებს წააგებს, მომდევნო დღეს ალბათ ვეღარ შეძლებს პარტიის ლიდერის პოსტზე დარჩენას“.

ციპრასმა საკუთარ პარტიაზე საუბრისას „სირიზაში“ პლურალიზმი ჯანსაღ ნიშნად დაასახელა და თქვა, რომ არჩევნებში დამარცხების შემთხვევაში თავად პარტიის ლიდერის პოსტს არ ჩაებღაუჭება.

10 დღის წინ ჩატარებული საზოგადოებრივი აზრის გამოკითხვის შედეგად, მიცოტაკისის „ნეა დიმოკრატიას“ მაჩვენებლები გაუმჯობესდა და ახლა ის 6,3 პუნქტით უსწრებს ალექსის ციპრასის „სირიზას“.

რაც შეეხება არჩევნებს: საარჩევნო კანონმდებლობის შეცვლის შედეგად რამდენიმე ცვლილება შემოვიდა:

1. 2023 წლის 21 მაისს საბერძნეთში საპარლამენტო არჩევნები „უბრალო პროპორციული წარმომადგენლობის“ სისტემით ჩატარდება. 

მოქმედი კანონმდებლობის თანახმად, იმისათვის, რომ პარტიამ პარლამენტში ადგილები მიიღოს, 3%-იანი ბარიერი უნდა გადალახოს. თუ დამატებითი არჩევნები გახდება საჭირო, ყველაზე მეტი ხმის მქონე პარტია ბონუსის სახით კიდევ 50 ადგილამდე მიიღებს.