რუსთავის ტყეში პუმას ეძებენ (ვიდეო)

რუსთავის ტყე-პარკში, არც მეტი, არც ნაკლები, შესაძლოა პუმა ნახოთ.

ადგილობრივ ფერმერებში პანიკაა – „დიდი კატა“, რომელიც რუსთავის ტყეში ბინადრობს, პირუტყვს ჭამს. 70-კილოგრამიანი, 1 მეტრზე მეტი სიმაღლის ცხოველი – ასე ახასიათებს მოსახლეობა მტაცებელს, რომელიც უკვე 5-მდე ადამიანმა საკუთარი თვალით ნახა.

მტაცებელი ცხოველი რუსთავის ტყე-პარკში პირველად რამდენიმე წლის წინათ გამოჩნდა, თუმცა ამ ხნის განმავლობაში ის გაიზარდა და ადგილობრივი ფერმერებისთვის საფრთხის შემცველი გახდა. როგორც ადგილობრივები საინფორმაციო სააგენტოს უყვებიან, მტაცებლის გამო 2 ძროხა, 7 ცხვარი და ქათმები დაკარგეს – მათი თქმით, ისინი პუმის მსხვერპლი გახდნენ.

ფერმერები საინფორმაციო სააგენტო „ინფო რუსთავთან“ აცხადებენ, რომ დახმარების თხოვნით პოლიციასაც მიმართეს. დეტალები ნახეთ ვიდეოში.