თაგვებმა ბანკომატიდან მილიონ 238 ათასი რუპია „მოხსნეს“

224

ინდოეთის ერთ-ერთ ქალაქში თაგვებმა ბანკომატში შეაღწიეს და 1,238 მლნ რუპია (17 ათას აშშ დოლარამდე) გაანადგურეს.

India Today წერს, რომ ბანკომატმა მუშაობა 20 მაისს შეწყვიტა, მაგრამ ის მხოლოდ 3 კვირის შემდეგ, 11 ივნისს გახსნეს სპეციალისტებმა, რათა შეემოწმებინათ, რა მოხდა. გახსნეს და – თვალებს არ დაუჯერეს: მასში არსებული ფულის დიდი ნაწილის ნაცვლად მხოლოდ კუპიურების ნაგლეჯები და რამდენიმე თაგვი დახვდათ.

მთლიანობაში ბანკომატში 2 მილიონ 948 ათასი რუპია იყო (42 ათას აშშ დოლარზე მეტი), უმეტესად 500 და 200 ნომინალის ბანკნოტები.

საქმეს პოლიცია იძიებს, თუმცა ფაქტია, რომ ბანკომატი გაფუჭებისთანავე რომ გაეხსნათ, თანხის საკმაო ნაწილს გადაარჩენდნენ.

წყარო: https://www.indiatoday.in/india/story/mice-chew-up-cash-worth-rs-12-lakh-in-assam-atm-1263769-2018-06-19
კომენტარები