ერდოღანის მრჩევლის სიტყვებით, „საბერძნეთი ბუზია, რომელიც…“

ბოლო დღეებში კვლავ გამწვავდა საბერძნეთ-თურქეთის ურთიერთობა. დაძაბულობის საბაბი ძველია და ნაცნობი – ეგეოსის ზღვაში მდებარე ერთი ციცქნა სადავო კუნძული იმია.

შანსი ხელიდან არ გაუშვა თურქეთის პრეზიდენტის, რეჯეფ თაიიფ ერდოღანის მრჩეველმა იღით ბულუთმა, რომელიც მკვეთრი და აგრესიული გამონათქვამებით გამოირჩევა და მორიგი „მარგალიტი“ გადმოაფრქვია: ამჯერად მან განაცხადა, რომ აშშ საბერძნეთს თურქეთზე თავდასხმისაკენ უბიძგებს, მაგრამ ეს გეგმა ვერ განხორციელდება, რადგან საბერძნეთი ბუზია, რომელიც გიგანტ თურქეთთან დაპირისპირებას აპირებს. იღით ბულუთი ბერძნებს თურქეთის მკაცრი პასუხით ემუქრება.